المكونات :
2 كيسان نشاء - 2 كيسان ماء - 4 كيسان سكر - 3 مغارف كبار ماء ورد او ماء زهر ( حسب الرغبة ) - 50 غرام فستق او لوز - مغرفة صغيرة فانيلا - مغرفة صغيرة زيت باش تدهن بيها الطبق
الطريقة :
نحطو زوز كيسان سكر مع زوز كيسان ماء في وعاء على النار وانحركوه لين يغلي وبعد انزيدو النشاء بعد منحلوه في شوية ماء وانحركوه بالباهي .... بعد ربع ساعة نزيدو زوز كيسان سكر لي مازالو وانخليوهم على النار 40 دقيقة اما يلزم ديما نحركو بين الفترة والأخرى وبعد انزيدو الملون الغذائي واللوز والا الفستق وماء الزهر واتخلط بالباهي .... بعد انصبو الخليط في طبق مدهون بالزيت ومغطي بالنشاء وانخليوه يبرد بالباهي .... ثم انرشو من فوق بالنشاء وبعد انقصوه مربعات كيف منحبو احنا الحجم وانرشوهم بالنشاء باش ميلصقوش وبعد نرميوه في الثلاجة باش يشد روحو اكثر وتاكلو بالشفاء .
تعليقات
إرسال تعليق
يمكنك الإشتراك بموقع موزاييك ليصلك كل جديد