مبروك لأنس جابر

راجل مشى لحمّام "الصيودة"
عمل غسلة وطيّاب وخرج لبس حوايجو وقعد يشرب في قازوزة ويحكي مع الناس إللّي بحذاه..
نوقز البورطابل بجنبو، هز:
- قالتلو المرا: صحّة حمّامك عزيزي... هاني صرّفت الشيك إللّي باش نخلّصو بيه المقاول، أما وأنا متعدية شفت في البوتيك حذانا كبّوط سومو في الصولد 450 دينار يفتّق... قلت نشاورك ناخذو ولاّ لا ؟
- قاللها : خوذو مايغلى عليك شيء عزيزتي..
- قالتلو: الله لا ينحّيك عليّا... أما مايسالش نكمّل معاه بوط أكحل  ب 200 دينار؟ ماعادش نلقى كيفو بالسوم هذا...
- قاللها: خوذو شبيه البوط أغلى منّك؟؟
قعدت المرا تدعي وتزيد: ربّي يخلّيك ليّا.. ربّي لا يحرمني منّك..
وعلّقت التليفون فرحانة..
كمّل وخيّنا شرب القازوزة وتلفّت للجماعة بحذاه وقاللهم : بربّي متاع شكون البورطابل هذا ؟؟